Android Mobile Phone Ka Battery Backup Kaise Badaye

To dosto aaj ke time me hum sab hi smartphone ka use karte hai or hum me se kuch log to aise hote hai ki pure din mobile phone me lage rahte hai. Or jo log apne android phone ka jyada use karte hai un logo ke saath battery low ki sabse jyada problem hoti hai. jab hum hamare smart phone ke app ka jyada use karte hai to hamare mobile phone ki battery bahut jaldi low ho jati hai. Kuch smart phone ki battery to 7-8 ghante hi chalti hai or fir hame apne smart phone ko switch off hone se bachane ke liye na jane kya kya tareeke apnane padte hai jaise smart phone ko baar baar charge karna padta hai battery bank ka use karna padta hai. Agar aap bhi apne smart phone ki battery baar baar low hone se pareshan hai to aap is artical me bataye tareeke ko follow kare. Is post me aap ko bataya jayega ki aap apne android phone ki battery ko jyada der tak kaise bacha sakte hai.

Smart phone ki battery backup kaise badaye?

1. Apne smart phone ki display brightness ko kam kare

aap ne dekha hoga ki jab hamre smart phone ya android mobile phone ki display brightness jyada hoti hai to hamare mobile phone ki battery bahut jaldi low ho jati hai. Aap hamesha apne mobile phone ki display brightness ko 40% se kam rakhiye or usko auto mode par kar dijiye. Esa karne se smart phone ki battery jyada der tak chalegi.

2. Internet ka use wifi se kare

Jab bhi aap apne smart phone me internet ka use kare to cellular network ki bazay wifi network ka use kare esa karne se aap ke mobile phone ki battery jyada der tak chalegi. Kyuki wifi network or cellular network ki frequency me bahut antar hota hai. Wifi network me bahut kam battery kharch hoti hai jabki cellular network me jyada battery kharch hoti hai.

3. Live wallpapers ka use na kare

Live wallpaper ka use karne se smart phone ka battery backup kam ho jata hai isliye still image ko wallpaper set karna chahiye. Or saath saath aap ke smart phone ki RAM bhi consume hoti hai.

4. Background data ko restrict kare

Hum smart phone me kisi app ko use karte hai to home screen se hata dene ke baad bhi kuch app background me run karte rahte hai or kuch app to background me run karne ke saath saath data ka bhi use karte rahte hai is karan aap ki battery backup kam ho jata hai. Is liye apne smart phone ka background data ko restrict kar dena chahiye jis se aap ki battery bhi lambi chalegi or aap ka data bhi save hoga.

5. Auto sync ko off kare

Humare smart phone me backup ke liye auto sync on rah jata hai. Hume usko off karke rakhna chahiye. Smartphone me bahut saare ese apps hote hai jo background me data download karne ke liye kuch time baad auto refresh hote rahte hai. Auto sync se battery ka use jyada hota hai.

6. Network na hone par aeroplane mode pe kare

Kai baar hum esi jagah par hote hai jaha signal strenth bahut hi kam hota hai. Signal strenth kam hone ki wajah se battery par jyada load hota hai kyu ki network na hone se smartphone network search karne lagta hai or battery kharch hone lagti hai isliye hume apne android phone ko esi jagah par aeroplane mode par kar dena chahiye.

7.Use na hone par data connection ko off kare

Hum sabhi ko pata hai ki smart phone bina internet connection ke only dibba hai lekin hum kai baar esi jagah hote hai jaha hame internet ki jarurat nahi hoti esi jagah par hume humare smart phone ke data connection ko off kar dena chahiye. Data connection on rah jane se bahut se app data ka use karte rahte hai or smart phone ki battery jaldi kharch hone lagti hai isliye jab jarurat ho tabhi data connection on karna chahiye.

8. Sound & vibrate ka use kam kare

Humare smart phone me kai baar ese sound & vibrate hote hai jinki hume jarurat hi nahi hoti hai jese keyboard vibration, notification vibration ese bahut saare app hote hai jinme ese hi sound & vibration hote hai isliye jo use na ho un sound & vibration ko band kar dena chahiye jis se humare smart phone ki battery bachi rahe.

9.Use ke baad hotspot ko band kare

Hotspot android mobile phone ka bahut hi important feature hai. Hotspot ke use se hum apne smartphone ke data connection ko dusre phone ya laptop se share karte hai. Or hotspot ka use hone par android phone ki battery jyada use hoti haior jald hi low ho jati hai. Isliye jab hotspot ka use pura ho jaye to hotspot ko off kar dena chahiye.

10. Screen time out set

Aap ke smartphone me agar screen time out jyada hai to aap ki battery ka use bhi jayda hoga. Isliye apne mobile phone me screen time out kam kar ke rakhe jis se aap ke use ke baat jald hi aap ki smart phone ki screen ki light off ho jaye or aap ki battery bachi rahe.

11. Operating system ko update kare

Humare android mobile phone kuch time baad hi update mangte rahte hai isliye hume apne smart phone ko samay samay pe update karte rahna chahiye kyu ki purane version ke operating system me kai saare bugs hote hai. Latest version ke operating system purane operating system ki tulna me kafi performance dete hai. Is se battery par bhi kam load hota hai.

12. Power saving mode ka use kare

Humare smartphone me power saving mode diya jata hai. Power saving mode me kai saare extra feature, sound ko band kar diya jata hai is se battery kam kharch hoti hai is liye power saving mode ka use karna chahiye.

To dosto aap ko Android mobile phone ka battery backup badane ka tareeka ye artical achhe se samajh me aa gaya hoga or ye artical aap ko pasand bhi aaya hoga. Or agar aap ko kuch puchna hai to aap comment box me comment kar ke puch sakte hai hum aap ki puri tarah help karne ki koshish karenge.

One Response

  1. rovin singh chauhan May 2, 2018

Leave a Reply

%d bloggers like this: